Arunachal Statehood Day Delhi-ah lawm dawn

Arunachal Pradesh Chief Minister Kalikho Pul chuan Arunachal Statehood Day chu Delhi-ah lawmna neih a ni dawn tih sawiin, kum tin Delhi-ah hian lawmna nei ziah turin ruahmanna siam a nih thu Arunachal Students Union of Delhi (ASUD) te a hrilh. Kuminah hian Statehood Day lawm nan hian cheng nuai 18.6 ruahman a nih thu a sawi bawk.

CM Kalikho Pul chuan State-hood Day-ah hian Arunachali art, music, dance, crafts, handlooms leh a dangte chu India mipuite mit hmuha pho chhuahna rem chang a ni a ti. Heng bhian sports, music, foods, handloom & handicrafts lamah te state-in hma a sawn zel theih nan ṭangkai taka hman tum a ni, a ti bawk. Chief Minister chuan state chhung-a hnam hrang hrang te zingah in unauna ṭhazawk a awm theih nan Festival leh thil dang te a rual-a lawm theih nise a duhawm thu a sawi.

Pul chuan zirlai te chu an zirna piah lamah arts, music leh sports te chu thlahthlam lo turin a fuih a, eizawnna tling a ni a ti. CM chuan zirlai state danga awm te chu inpawh tlang taka awm turin a ngen a, state tihmingṭha tu nih tum turin a fuih bawk.