Japan palaiin Nagaland a tlawh

India rama Japan ambassador, Hiroshi Suzuki chuan ni hnih chhung cham turin nimin khan Nagaland a thleng a, a cham chhung hian hun pawimawh tak tak hmannaah a tel dawn a ni.

Ruahman lawk dan chuan Hiroshi Suzuki hi vawiina Kohima Peace Memorial leh Eco Park hawnnaah a tel dawn a, Kohima Eco Park lungphum phum tura tih a nih bakah zing karah hemi puala thing phunnaah a tel bawk ang. He hunah hian Nagaland chief minister Neiphiu Rio leh MLA dangte'n an telpui dawn a ni.

Vawiin vek hian Kohima War Cemetery a tlawh dawn bawk a, hetah hian Chief Minister nen martar-te zahna chibai an buk ang. Heng bakah hian Suzuki hian Kohima Cathedral leh Naga Heritage Village, Kisama-a World War II Museum a tlawh dawn bawk. Naktuk hian Japan palai hian Nagaland a chhuahsan leh ang. Japan palai zin hian Japan leh Nagaland inlaichinna leh thawh dunna ṭha leh nghet zawk a thlen beisei a ni.