Assam : Gauhati HC-in police officer petition theh luh hnawl

Assam Public Service Commission (APSC) thubuai chungchanga court hniam zawkin inhnamhnawihna nei anga a ziah lan, Assam Police Service (APS) officer Sukanya Das chuan court hniam zawka case chungchanga a hming ziah lan danah Gauhati High Court-a petition a theh luh chu HC chuan a hnawlsak.

APS officer Das hi a tirah chuan APSC thubuaiah hian thuhretu pakhat ang chauhin a hming a lang ve a, mahse, thubuai chhui chianna Special Investigation Team (SIT) -in an neih kal zelah Das pawh chu dik lo taka a hna chu hmu a ni tih tarlan a ni. Das leh a dan hremite chuan Das chu thuhretu aṭanga thil tisualtu zinga a hming lang ve danah thil fel lo tam tak a awm tih tarlangin, court chuan finfiahna mumal pawh a nei lo niin an sawi. Hemi chungchangah hian High Court-ah petition an theh lut ta a ni.

Gauhati High Court chuan Das petition theh luh chu a hnawl a, thuhretu aṭanga thubuaia inhnamhnawihna nei anga ziah lan a nih chungchang pawh HC chuan sawi fiahin, chhui zuina a kal zel dawn avanga tihdan phung pangngai a nih thu an tarlang.