Manipur : NRFM helpawl mi leh sa Imphal-ah man a ni
National Revolutionary Front of Manipur (NRFM) helpawl mi leh sa pakhat chu Regional Institute of Medical Sciences (RIMS), Imphal-ah tihluihnaa pawisa a khawn ṭhin avangin man a ni.
Thuneitute chuan thu an dawn bawhzuiin RIMS road, Lamphelpat, Imphal West district-ah thil tisualtu dap hna an thawk a, hetah hian NRFM helpawl mi hi an man ta a ni. An mi man hi Heisnam James Singh, kum 32 mi niin, tihluihna hmanga pawisa a khawn ṭhin niin an sawi. Singh hian Imphal-ah hian thla sarih chhung vel chu dan phal lohin pawisa a khawn tawh nia tarlan a ni bawk.
United Revolutionary Front tia hriat ṭhin NRFM hi Meitei helpawl niin kum 2011 a din a ni a, Manipur chhungah chetla tam berin tharum thawhna an thlen bakah dan phal lohin pawisa an khawn ṭhin. Tuna an man tak Singh hi kumina NRFM mi leh sa an man hmasak ber a ni.