Shillong ropeway siam hna July aṭangin ṭan a ni dawn

Meghalaya tourism minister, Paul Lyngdoh chuan Shillong Ropeway Project atana tender chhan hun chu Model Code of Conduct hlih hnu, June 15 ral hmaa a neih tum a nih thu sawiin, hnathawktu tur chu July-ah an tifel hman dawn niin a sawi.

Paul Lyngdoh chuan tender chhang duhte tan hriattirna an chhuah tawh thu leh, a hnu deuhah project kaihhnawih hna ṭhenkhat siam belh a nih avangin tender chhuah hnuah siam ṭhat a nih thu a sawi.

Shillong Ropeway project hi kum 2022 September khan Meghalaya cabinet in a lo pawmpui tawh niin, hemi siam nan hian Rs. vbc. 138 ruahman a ni. Meghalaya chhunga mihring phur thei ropeway hmasa ber tur niin Lawsohtun leh Shillong Peak inkarah kaltir a ni ang. He ropeway hi service tura ruahman niin, Madan Laban terminal aṭanga chhuakin Lumparing leh Shillong Peak lamah a mi phur ṭhin tura ruahman a ni.