Assam : Inbumna hmanga Rs vbc 2 ru chhuaktu mi pahnih man

Guwahati police chuan cyber criminal pahnih, Papu Das leh Nizam Ali chu mi bum thubuai avangin an man. Papu Das leh Nizam Ali-te hian kar khat chhungin an mi bumte lak aṭangin Rs vbc. 2 an laksak hman a ni.

Das leh Ali hian internet kaltlangin mi bum hna hi an kalpui a, an mi bumte bank account chu an bitum ṭhin a ni. Thilsual titu mi pahnihte hian an mi bumte bank account-a hriattur pawimawh awmte an hriat theih nan phone call emaw message emaw an hmang ṭangkai ṭhin. Heng hmang hian kar khat lek chhungin Rs vbc 2 chuang an mi bumte hnen aṭangin an lak chhuahsak hman.

Man chhuah an nih mai loh nan Das leh Ali hian an pawisa ruk chhuahte hi sumdawng bank account an hawhsakah an dah ṭha a, account hawh man atan hian Rs nuai 25 kar khat chhunga pek turin an inremsiam a ni. Cyber police chuan inbumna awm chungchanga complaint an dawn bawhzuiin an chhuichiang a, Das leh Ali bakah hian sumdawng dang pawh inbumnaa inhnamhnawih an awm ngei nia an hriat thu an tarlang.