Hmarchhak state-a hmeichhe DGP hmasa ber Idashisha Nongrang

IPS officer Idashisha Nongrang chu Meghalaya Director General of Police (DGP) atana ruat a ni. Hmarchhak state-ah hmeichhia, he hna chelh thei an la awm loh avangin northeast-a hmeichhe DGP hmasa ber a ni bawk.

1992 batch Indian Police Service officer, Idashisha Nongrang hian Meghalaya DGP ni mek, May 19 a kal chhuak tur LR Bishnoi a thlak ang. Meghalaya chief minsiter hona hnuaia Meghalaya Security Commission ṭhukhawm chuan UPSC thlanchhuah mi pathum aṭangin Khasi hnam, Nongrang hi an state DGP atan an thlang a ni. Nongrang hian state police hotu lu ber dinhmun hi May 19, 2026 thleng a chelh dawn a ni.