Assam-a pawngsual thubuaiah Congress Candidate

Assam state election neih zawh aṭanga ni 20 a liam hnuah tun hnai khan Congress party candidate pakhat chu pangsual thubuai a nei nia hriat a ni. Hmeichhia kum 23 mi chu Congress Candidate Pranjit Choudhury chuan a pawngsual niin an sawi a, sawi zui a hlawh hle.

He thilthlengah hian city police station-ah thubuai ziah luh a ni. City police commissioner Mukesh Agarwal leh DGP Mukesh Sahay te chuan Pranjit Choudhury man tura thupek chhuah a ni tawh thu an sawi. Pranjit Choudhury hi a bibo mek a, a chenna Guwahati leh Kamalpur-ah te zawn niin tun thlengin man a la ni lo. A laka thubuai ziak luttu hmeichhe pakhat chuan Choudhury hi Kamalpur velah a tam hle niin a sawi a, police-te chu man thuai turin a ngen. Man a nih thuai loh chuan an nunna a tan a hlauhawm thei niin a sawi a, Kamalpur mi
ṭhenkhat phei chuan case cancel leh mai tur hian an nawr hial niin a sawi.

He tih lai hian Guwahati High Court chuan Choudhury anticipatory bail dilna chu a hnawl tawh. Assam Chief minister Tarun Gogoi leh Assam Pradesh Congress Committee (APCC) president Anjan Dutta te chuan Choudhury hi thilsual a ti ngei tih finfiah a nih chuan a chhungah hremna lek a nih tur thu an sawi. He tih lai hian Choudhury nu chuan a fapa chuan thil tih sual a nei lo niin a sawi a, a mimal nun tih chhiat tumna a ni a ti ve bawk.

Kum 39-a upa Choudhury hian nupui a nei tawh a, fa pawh pahnih an nei. Chutih lai chuan a pawngsual nia sawi hian, Choudhury chuan Assembly election zawhfel a nih hunah neih a tiam tih sawiin, sex an hmang dun niin a sawi. Choudhury hian a lo intiam tawh anga nupui atana a neih leh tak mai loh avang hian a hmeichhia zawk hian Choudhury lakah hian case a file leh hnuhnawh niin a lang.