Arunachal District 12-ah AFSPA hmang zel dawn

Arunachal Pradesh-a District 12-ah sipai hnena thuneihna sang pekna, Armed Forces (Special Powers) Act (AFSPA) chu thla ruk dang hman chhunzawm a ni dawn.

District 12-ah te hian tharum thawhna leh inrikrapna thleng thei nia hriat avangin AFPSA hi hman zel a ni dawn a ni.

Union Home Ministry chuan venthawn thil-ah Tirap, Changlang leh Longding district te chu hmun ralmuang lo zingah telh a ni tih a sawi. Naga group - NSCN-K, NSCN-IM, NSCN-R leh NSCN–NK bakah ULFA-I leh NDFB-S te chuan hmun hrang hrangah buaina an chawk chhuak reng a, hei vang hian Armed Forces (Special Powers) Act 1958 hmang chhunzawm tur hian May 4, 2016, khan Home Ministry chuan thuchhuah a siam a ni.