Tripura-ah tuialhthei phur rel lut ṭan

Tuialhthei harsatna avanga kar hnih dawn buaina an tawh hnuah Pathianni khan Tripura-ah tuialhthei phur rel a lut leh ṭan.

Pathiannia Tripura-a tuialhthei phur rel lut hian Assam Dima Hasao district-a Jatinga Lumpur – New Harangajao chu tluang takin a paltlang thei a, helai hmuna rel chetsual avangin hun eng emaw chen rel lut tur a dang a ni. North Eastern Frontier Railway-a Chief Public Relations Officer, Sabyasachi Dey tuialhthei phur 49 bogie tank wagon-in tluang taka Tripura a thlen thu hi a puang a ni.

Tripura chief minister, Dr. Manik Saha chuan Tripura-a tuialhthei lut avang hian lawmawm a tih thu social media lamah a tarlang a, a ngenna anga rang taka hma laksaktu, union railway minister Ashwini Vaishnaw chungah a lawm thu leh NFR official leh thawktu zawng zawngte chungah pawh a lawm thu a sawi a ni. Saha chuan tuialhthei harsatna an state-in an tawh mek kara beiseina siamsaktu an nih thu sawiin, dan pangngaia tuialhthei a lo luh leh theih tawh a beisei thu a sawi tel bawk.