Imphal-a cheng Naga hnam zingah vau tawk an tam

Manipur Naga Youth Organisation (MNYO) chuan Manipur khawpui, Imphal leh a chhehvela Naga hnam chengte chuan vau an tawk nasa tih an tarlang. Hetiang vauna emaw rikrap emaw tawk an awm chuan an chenna bulhnaia Naga Youth Club-ah emaw MNYO Office-ah emaw hriattir ṭhin turin an chah.

MNYO hian Tarung Community Hall, Imphal-ah emergency meeting neiin, Naga hnam zinga vauna tawkte'n hma la tura an ngenna chu an ngaihtuahho a ni. He inhmuh khawmnaah hian Naga youth clubs hruaitute an tel ve bawk.

Meeting thuchhuak chuan Imphal leh a chhehvela Naga chengte chu helpawl emaw mi tu tih hriat loh emaw pawisa khawn ṭhinte hnenah pawisa pe tawh lo turin a hriattir a, an pek duh loh avanga vauna emaw rikrap an tawk a nih chuan MNYO pisa-ah emaw an chenna bul hnaia Naga youth Club emaw hnenah hrilh hre turin an chah .

Imphal phairuama cheng Naga-te dinhmun chu an thlithlai reng tih MNYO chuan an tarlang a, heng laia cheng Naga-te'n harsatna an tawha pui turin MNYO Imphal branch din thuai an tum tih an tarlang tel bawk.