AAP leh Congress thawh dunna hi mipuite bumna mai a ni : Assam CM

Assam chief minister Himanta Biswa Sarma chuan Aam Aadmi Party (AAP) leh Congress party thawh dunna chu mipuite bumna mai a ni tiin, party pahnih thawk dun chu thutaka lak chi nia a ngaih loh thu a sawi.

Chief Minister chuan Delhi-ah thawk dun angin lang mah se, AAP leh Congress chu Punjab lamah an inbei leh tho tih sawiin, heng vang hian party pahnih thawh dunna chu thutaka lak chi a ni lo, a ti. Sarma chuan AAP leh Congress thawh dunna chu mipui bumna entirna ṭha tak a nih thu sawiin, hemi tichiangtu chu state hrang hranga party pahnihte hmalak danin a tarlang tih a sawi bawk.

Assam CM chuan AAP leh Congress chu Delhi-ah thawk dun a, Punjab lama an inel leh si chu mak a tih thu a sawi a, hei hian politics chu mipuite hmasawn theih nana khel ni loin lalna leh thuneih nan chauha politics chu hmang an nih zia a tichiang a ni, a ti.