Nagaland Police ten Smart Policing Award dawng

Nagaland Police-te chu an hnathawh ṭhat avangin Zirtawpni khan National level police chawimawina 'Smart Poli-cing Award' hlan an ni.

Award hi Minister for State for Home Affairs, Haribhai Parathibhai Chaudhary chuan a hlan a, FICCI Auditorium New Delhi-ah Award semna hi neih a ni. Minister chuan Police te chu venhimna ṭha zawk an kenkawh theihna turin technology sang zel mila mahni pawh hmasawn turin a fuih a, Smart Policing Award chu chona atana hmang tura a duh thu a sawi bawk.

Nagaland State Police Department hi IIT Delhi aṭanga zirchhuak Ben Imchen chuan a ṭhutchil a, application changkang tak hmangin state chhunga lirthei rukbote chu an chhui chhuak zung zung thin. Lirthei rukbo a awmin mipuiten SMS hmangin police an hriattir thuai a,annin rang takin hma an la nghal ṭhin. He application hmang hian lirthei 100 chuang zette chu hmuh let leh an ni tawh a ni.