Nagaland-in ramngaw nei ṭha

Indian State of Forest Report 2015-in a tarlan dan chuan Nagaland ram sq km12, 966 zet chu ramngawin a khuh a, hei hi an ram zau zawng
aṭanga chhutin 78.20% a tling phak hial a ni.

Nagaland ram thing leh mauin a awh zat hi sq km 381 zet a zau a ni a, ramngaw hi hmun thumah ṭhen a ni a, chungte chu- Very Dense Forest (VDF), Moderately Dense Forest (MDF) leh Open Forest (OF) te a ni. Report-a tarlan a nih dan chuan Nagaland-ah hian Reserve Forest (55.62%), Protected Forest (5.51%) leh Un-classed Forest (93.56%) te a awm a ni. Nagaland hian National Park pakhat leh Wildlife Sanctuaries pathum a nei mek bawk.

Hetih lai hian Naga-land Economic Survey 2015-16 in a tarlan dan chuan ramngaw hi a chereu chak hle a, Indian State of Forest Report 2015-in a tarlan ai pawh hian ramngawin a tuam chin pawh hi a tlem zawk a ni. States’ Economics & Statistics Department zirchianna aṭang chuan mihring pung chak lutuk, hmun dang aṭanga pem lut, khawpui ṭhang zel leh thing leh mau aṭanga siam chhuah bungrua pung zel avangin ramnaw hi a chereu mek a ni tih tarlan a ni bawk.