GMCH atangin naupang pakhatin HIV+ve a kai

Assam-a naupang kum thum leh a chanve mi chu nikum khan Guwahati Medical College & Hos-pital (GMCH)-ah dah luh a ni a, naupang dam lo hi thisen pek a nih hnuah Human Immuno-deficiency Virus (HIV) a pai tih hriat chhuah a ni.

Naupang nu leh pate chuan an fapa hi April 15 2015 khan Guwahati Medical College & Hospital-ah hian an dah lut tih an sawi a, an fapa hi accident-naah a taksa 40% a kang tih an sawi. Hospital-a an dah luh hnu hian mipa naupang hi thisen vawi thum pek a ni. October 3 thleng treatment pek a ni a, vawi eng emaw zat zai a ni. Tichuan kumin march March 29 khan GMCH-ah hian dahluh leh a ni a, vawi hnih zai a ni leh a, March 30 khan Anti-Retroviral Therapy tih a ni bawk.

Naupang nu leh pate thisen hi endik a ni a, HIV an veilo tih hriat a ni. Bezbaruah chuan an fapa hian thla ruk liamta khan HIV a vei lo tih a sawi. Guwahati Medical College & Hospital Superintendent chuan mipa naupang nu leh pate hi ni 15 hnu-ah check-up leh tura hriattir an ni a, nimahsela thla nga hnuah an lo kal leh chauh a ni,a ti.

Bezbaruah chuan an fapa hian HIV-positive a vei tih hi plastic surgery department head Seema Rekha Devi chuan min hrilh lo a ni a tive bawk.

GMCH superin-ten-dent AK Bezbaruah chuan mipa naupang hian engtin nge HIV-positive a kai tih chu chhuichian nghal a ni ang a ti. He mi chhuichiang tur hian member panga awmna committee din nghal a ni a, Dr Kunjalal Talukdar-an a kaihhruai ang. Committee hian he mipa naupang hi eng treatment nge pek a ni tih an chhui bakah mawhphurtute zawn chhuah hna an thawk dawn a ni.