Naga political issue sawiho turin sawm

Sorkar laipui leh Naga helten inremna kawng zawnga inbiakna an neih chuan a hmawr a bawk dawn hnai tawh a, hei vang hian Nagaland sorkar state chhunga pawl hrang hrangte chu October 15-ah Naga political issue sawiho a, consultative meet nei turin a sawm. 

Consultative meet-a tel tur hian tribal hohos, mass-based organization, civil society, church organizations, political party, NGO te bakah mimalte sawm an ni. 

State sorkar thuchhuah chuan kum sawmhnih chuang an state-a remna leh muanna a awm theihna atana inbiakna neih a nih tawh thu leh, a rang thei anga inremna hi siam a nih theihna atan pawl hrang hrangte chuan ṭul leh mamawh nia an hriatte an sawiho thuai a ngai a ni, a ti. 

Consultative Meet hi October 15 hian Kohima-a Chief Minister Residential Complex-a State Banquet Hall-ah neih a ni ang.