Itanagar-ah Muviah hoin meeting nei
Arunachal Pradesh deputy chief minister Kameng Dolo leh Governor JP Rajkhowa te chuan North Eastern Council (NEC) secretary Ram Muviah hoin Itanagar-ah meeting an nei a, hmasawn nana ṭangkai tak tak - inkalpawhna kawngpui, Infrastructure leh Hospital lama hmalak dan tur te an sawipui.
May 27 khian Shillong-ah Prime Minister Narendra Modi hoin North Eastern Council meeting neih tur a ni a, hemi atana inbuatsaihna peng pakhat a ni.
Governor JP Rajkhowa chuan North Eastern Council (NEC) secretary Ram Muviah chu Arunachal Pradesh leh a ṭhenawm state te nena inkalpawhna kawngpui ṭha zawk an neih theih nana hmalakpui turin a ngen. Tunah hian NEC sum hmangin Arunachal Pradesh-ah hian Advance Landing Grounds Ziro-ah te, Pasighat, Aalo, Lilabari, Tezpur leh Umroi Airport tihchangtlun hna te thawh mek a ni. He meeting-ah hian NEC scheme leh project state chhunga kalpui mek a nih dan te thlir ho a ni bawk. Muviah chuan PSI kawngpui siamna tur ṭhenkhat chu sorkar laipui chuan a pe chhuak tawh tih a sawi a, a hun taka zawh a nih theih nan hma la turin a ngen ve bawk.
Rajkhowa chuan an harsatna tawhte sawiin, road research leh designing institution an neih loh thu a thlen a, architecture, skill development leh tourism zirna neih an duh thu a sawi bawk. Heng bakah hian Governor chuan NEC official te chu North Eastern Region Community Resource Management Projects (NERCORMP) te vil ṭha turin a ngen a ni.