Assam sorkarin samak veng turin hma la ṭha

Union Forest and Environment Minister Prakash Javadekar chuan Assam-a samak mang mai tur veng turin sorkar laipui leh state sorkar te chu an thawk dun ṭha tih a sawi. Hetih lai hian Assam Chief Minister Tarun Gogoi chuan Thawhlehni khan thuchhuah siamin, Gujarat-a Asiatic lion mang mek chu a ngaih pawihmawh thu a sawi.

Assam Chief Minister chuan, Gir forest Gujarat-a Asiatic lion mang mek chu sorkar laipuiin ngaipawimawh se a duh thu sawiin, Kaziranga National Park pawh state sorkar chuan a ngaipawimawh hle niin a sawi. Asiatic lion mang mek venhim kawngah hian Gogoi chuan sorkar laipui leh Gujarat sorkar te chuan chu hma an la tawk lo a ni a ti. Assam-a samak an pun leh theih na chhan chu state sorkarin a ngaihpawimawh vang a ni tiin Gogoi chuan a sawi a, hetianga hma la ve tur hian a ngen bawk.

Javadekar pawhin Assam-ah hian kum 2012-a samak 2,505 awm chu kum 2015 khan 2,624-ah a kaichho a ni tih a sawi. West Bengal-ah chuan kum 2013-a samak 229 awm chu 2015 khan 225-ah a tla hniam a ni. Uttar Pradesh chuan kum 2015 khan samak 34 a nei ve bawk. Javadekar chuan sorkar laipui leh state sorkar hmalakna a nih thu sawiin, Wildlife (Protection) Act, hu heng ramsa te humhalh nan hian a ṭangkai hle a ni, a ti bawk.