Pul-an thi chhungte hnenah Zangna dawmna hlan

Arunachal Pradesh Chief Minister Kalikho Pul chuan Nilaini khan Tawang a tlawh a, May 2-a buaina chhuak avanga nunna chan chhungte hnenah cheng nuai 18 a hlan bakah, hliam tuar na zual hnenah nuai ruk ṭheuh peiin hliam tenau tuarte chu nuai khat ṭheuh a pek bakah thi chhungte chu sorkar hna pek a tiam.

Tawang-ah hian May 2 khan police leh mipuite inkarah buaina a chhuak a, mi pahnihin nunna an chan bakah mi eng emaw zatin hliam an tuar a ni. Chief minister chuan buaina chhuak chu pawi a tih thu sawiin, nunna chan chhungte a tawrhpui bakah hliam tuarte chu dam leh thuai turin duhsakna a hlan. He thil thleng chhui chiang tur hian magisterial enquirie din a ni a, anni hian investigatiaon an ti mek a ni. Magisterial enquiry hi commissioner Hage Khoda chuan kaihhruaiin tualchhung mi Jang ADC Dilip Kr. Chutia pawh inquiry-ah hian telh a ni.

Buaina chhuak avang hliam tuarte hi Guwahati leh NEIGRIHMS, Shillong-ah te enkawl an ni a, Pul chuan tlawh vat a tum thu a sawi bawk. Heng bakah hian CM hian April 23-a Thongleng-a lemin avanga nunna chan chhungte hnenahm zangnadawmna cheng nuai li ṭheuh a pek bak-ah Governor relief fund aṭangin nuai khat ṭheuh pek an ni. Leimin avanga hliam tuarte chu Rs 25,000 ṭheuh pek an ni bawk.

Chief minister Kalikho Pul hi power minister TN Thongdok, MLA Jarkar Gamlin, DGP in-charge Nabin Payeng leh commissioner Hage Kojeen te chuan an ṭawi-awm a ni.