Nagaland : Sik leh sa inthlak danglam vangin khuarel chhiatna pung

Nagaland Disaster Statistic 2023 chu tihchhuah niin, kum 2018 leh 2021 inkar khan sik leh sa inthlak danglam avanga khuarel chhiatna chu 200% laiin a pung niin a tarlang. He report-ah hian hian sik leh sa inthlak danglamin Nagaland a nghawng dan tarlan a ni.

Report-a data tarlanah, kum 2018 khan khuarel chhiatna 337 a thleng a, hei hi kum 2019 khan 414-ah chhoin, kum 2021-ah chuan a let dawna tamin 814 a tling a ni. Chief Conservator of Forests (CCF), Supongnukshi chuan sik leh sa inthlak danglam avanga an tawrh theih dan a sawinaah Kohima district chu entir nana hmangin, district chhunga buh chingtute chuan an thlai chinte tan tui hnianghnar takin an hmu zo lo tih a sawi.

Sik leh sa inthlak danglam avangin lei hnuaia tui awmte chu a tlem zel a, heng harsatna an tawh avanga loneitute'n an tawrh loh nan thuneitute chuan an harsatna chinfel nan hma an la tih tarlan a ni bawk. National Disaster Statistic chuan kum 2019-20 chhung khan khuarel chhiatna hrang hrang vangin thlai chinna 1210.16 hectares hu tihchhiat niin, kum 2021-22-ah hei hi a pung tih a tarlang bawk.