AP mipuiten BRO laka action lak phùt

Arunachal Pradesh mipuite chuan an state chhunga Mechukha circle-a Rego leh Karte khaw inkar kawngpui chhe lutuk avangin kawng siam hna thawktu, 1443-BCC, Boarder Road Organization (BRO) laka action la turi thuneitute an phut.

Rego leh Karte khaw inkara Aalo-Mechukha kawngpui hi Mechukha sub-division huam chhunga chengte tana kawngpui pawimawh a ni a, hei bakah hian internatioal security lama thlir pawhin he kawng hi hmun pawimawh tak a ni. Mahse BRO hian an enkawl ṭhat loh avangin kawngpui hi a chhe hle nia sawi a ni.

Tualchhung mite chuan kawngpui siamṭhat leh enkawl dan chu a ṭha tawk lo hle tih sawiin, hei hian khualzin lut tur tam tak a dan phah a, an sum lakluh tur thlengin a nghawng niin an sawi. Vawi tam tak kawngpui chungchangah thuneitute hnenah zualko tawh mah se, tun thlengin ngaihsak an la hlawh lo tih an sawi bawk.