Blood Bank-a thisen te endik nawn leh turin hriattir

Gauhati Medical College and Hospital (GMCH)-a mipa naupang pakhatin thisen a dawn aṭanga HIV+ a kai nia hriat a nih hnuah Assam sorkar chuan State blood bank zawng zawnga thisen te chu a thianghlim tawk em tih enfiah nawn leh vek turin thu a pe.

Sorkar chuan roadmap siamin an state chhunga blood bank zawng zawngte chu a thianghlim tawk em tih ni 10 chhungin endik vek a tum a ni. State health department chuan hmalakna kalpui tur hian commissioner leh Drug Control Administration te chu a hriattir tawh bawk.

Assam-ah hian sorklar leh mimal blood bank 67 zet a awm a, heng blood bank te hi May 13 ral hma ngeia thisen an kawl te a him tawk em tih fiah turin a hriattir a ni.

Assam-a Gauhati Medical College and Hospital-ah hian nikum khan mipa naupang pakhat chu a taksa nasa taka a kan avangin dah luh a ni a, vawi eng emaw zat zai a ni. Kumin kum tir khan he mipa naupang vek hi Gauhati Medical College and Hospital-ah bawk hiabn dah luh leh a ni a, thisen pek a ni a, a hnuah HIV+ a vei tih hriat chhuah a ni ta a ni. State sorkar chuan fimkhur thu hla-ah State blood bank zawng zawng te chu an thisen kawl lai te a thianghlim tawk em tih fiah tur hian hma a la ta a ni.