Sikkim : ADB-in kâwlphetha intodelh nana hman tur loan a pawmsak

Sikkim chhunga kâwlphetha intodelh nan leh a pek chhuah dan changkang zawk siam nana hman turin loan USD mtd 148.5 chu Asian Development Bank (ADB) chuan Sikkim tan a pawmsak.

Kâwlphetha pek chhuah dan, tunlai leh changkang zawk siam nan loan hi hman ṭangkai a ni dawn a, hemi atan hian kâwlphetha pek chhuah nana hmanraw awm sa tam tak chu thlak a ngai dawn a ni. ADB loan hmang hian Sikkim sorkar hmalakna pakhat 'Power for All' chu tihhlawhtlin a awlsam dawn a, he hmalakna hian in, industry, sumdawnna hmun leh mipui vantlang pun khawmna hmunah chhum lo chat loa kâwlphetha pek chhuah tum a ni.

Sikkim chuan loan hmang hian power sub-station 26 chu a thuamṭha dawn a, hmun kilkhawr zawkah street light 15,000 unit vuah thar a nih bakah khaw 28-ah kâwlphetha renchem leh him taka hman dan inzirtirna a kalpui bawk ang. Heng hmalaknate hi hmeichhia 1,100 chuangin an hlawkpui dawn nia chhut a ni bawk.