Eco-Club Programme kalpui ṭha berah Sikkim thlang

Sikkim chu India ram state zingah kum 2023-24 chhunga Environment Education Programme (Eco-Club Programme) kalpui ṭha berah Ministry of Environment, Forest and Climate Change (MoEF&CC) chuan a thlang. He chawimawina hi MoEF&CC buatsaih National Review Meet, New Delhi-a neihah hlan an ni.

Eco-Club Programme kalpui ṭhat avanga chawimawina hi Sikkim aiawhin Rajen Pradhan, Forest and Environment Department chuan a dawng a ni. He chawimawina bakah hian Sikkim aṭangin Class XII zirlai chuan Environment Education Programme puala logo siam intihsiaknaah pakhatna lawmman an dawng bawk.

Environment Education Programme (Eco-Club Programme) hi kum 2001 aṭanga bulṭan niin a tum ber chu nungcha leh ramngaw humhalh kawnga zirlai naupangte zirtirna pek a ni a, hemi bakah hian environment in harsatna a tawh leh humhalh a ṭul zia inzirtirna nana hman ṭangkai a ni bawk.