Manipur-ah Anti-Tribal Bill duh lohna lantir zel a ni

Manipur Assembly-in kum 2015 August-a Bill pathum a lo pass tawh duhlohna chu kawng hrang hrangin Manipur hmun hrang hrangah lantir chhunzawm zel a ni. Heng Bill pathum Assembly-in a pass tak te hi President pawmpuina nghah mek a ni a, he tih lai hian pawl hrang hrang te chuan an duh lohna lantirin sorkar chu sut leh turin an kar a ni.

Manipura Tripal te chuan Pathianni aṭang khan nawrh an huaihawt leh a, “anti-tribal bill" chu sut leh tura an duh thu an au chhuahpui a ni. Joint Committee on Inner Line Permit System (JCILPS) chuan The Protection of Manipur Peoples Bill, 2015, The Manipur Land Revenue and Land Reforms (7th Amendment) Bill, 2015, leh The Manipur Shops and Establishments (Second Amendment) Bill, 2015, te chu tribal te rahbehna a ni an ti a, sut leh a nih theih nan a tawp thleng hmalak an tum thu an sawi. Manipur-a political party ṭhenkhat chuan he mi chungchanga sorkar laipui dawr tur hian Thawhṭanni khan New Delhi-ah palai an tira, “anti-tribal bill"-in harsat a thlen theih hrang hrang te an sawipui dawn a ni.