Khawpui fai ber Tezpur

Tun hnaia World Health Organisation report-in a tarlan dan chuan Tezpur chu India ram khawpui zinga mihring cheng tlem-na ber leh fai ber a nih thu tarlan a ni. Tezpur hi Pathanamthitta Kerala chuan a dawt a, Hassan Kar-na-taka chu pathumna a ni.

Zirchianna hi khawpui hrang hrang 2,973-ah kalpui a ni a, khawvel ram hrang hrang 103 leh India ram khawpui 122-ah te kalpui a ni. Report-in a tarlan dan chuan khawpui mihring cheng tamna India khawpui 20 a mihring cheng zawng zawng chu khawvel hmun danga khawpui 100 zeta cheng mihring hmun thuma ṭhena hmunkhat lai a tling phak a ni. He tih lai hian Delhi chu mihring cheng tamna a ni a, Gwalior, Allahabad, Patna lehRaipur te pawh mihring cheng tamna zing a mi an ni.

WHO regional director for Southeast Asia Poonam Khetrapal Singh chuan, mihring pung chak lutuk chuan hriselna kawngah nghawng a neih theih thu sawiin, fimkhur a ṭul thu tak zet a ni a ti a. Air pollution chuan stroke, lung natna, cancer leh natna dangte a thlen thei a ni a ti. Tezpur hi Assam-a Sonitpur district municipal board hnuia awm a ni a, khawpui nuam leh fai tak a ni. Hmarchhak mia nilo India ram khawpui zingah pawh ṭhang chak ber te zing a mi a ni a, Brahmaputra lui kianga awm niin, mihring 100,000 vel an cheng a ni. Guwahati aṭanga km 175 vela hlaah awmin, "Cultural Capital of Assam" tih hial a ni. Hei bakah hian Tezpur hi 'Most Clean City of Assam' tih a ni.