AP-ah Indopui II hunlaia Thlawhna tla hmuh a ni

Arunachal Pradesh-a Ranglom khua-ah tun hnaiah khan indopui II-na hun lai a mi ni ngei a hriat Thlawhna tla pathum humh a ni. Thlawhna tla te hi Cargo plane pakhat leh fighter jet pahnih a ni.

Ranglom khua-a mi te chuan Thawlhna them ni awm tak hi an lo hmu fo tawh ṭhin a, kumin kum tirah pawh khan Thlawhna them ni ngeia hriat chu an hmuchhuak nghe nghe. Changlang (south) MLA P Khimhun chuan Indopui II-na hun laia mi ni ngeia hriat Thlawhna tla an hmuh thu hi a hriatpui thu sawiin, endik mek a ni a ti. Zongsam leh a team te chuan he Thlawhna tla hi indopui hun lai a mi a ni ngei em tih an zirchaing mek a ni. Zongsam chuan Thlawhna tla hi hmun hran hranah hmuh a ni a, zir chian mek an ni a ti a, hei hian khualzin te pawh a hip ngei kan beisei a ni a ti. Heng Thlawhna tla them te hi laksawn phal a ni lo a, uluk taka venhim an ni.

Ranglom GB Rem-ngim Jugli chuan, Cargo plane hi Ranglom khaw chung zawna a tlawh lai hian a kang a, a tla zui ta mai nia rin a ni a ti a, pilot pahnih leh sipai panga an chuang niin a sawi. Cargo plane-ah hian opium, buhfai bag, Sangha ṭin leh eitur dang te a phurh a ni Jugli chuan a tibawk. WW-II era plane an tih mai te hi zirchian hna thawh mek zel a ni.