Vawinah Assam inthlan result puang dawn

Vawiin hian Assam State Assembly Election-a vote tla te chu chhiar a ni dawn a, result puan nghal a ni ang. Assam-ah hian Congress party chuan kum 15 zet ro an lo rel tawh a, sorkarna an siam leh thei angem tih chu hriat theih thuai a ni ang.

Congress party-in kum 15 zet sorkarna an chan chhung khan an mahni khing phak an awm meuh lo. Mahse sorkar laipuiah BJP-in thuneihna an chan tak avangin Assam-ah pawh hian BJP chuan boruak an nei lian hle a, sorkarna an siam theih mai ring pawh an ṭhahnem hle. Vote chhiar hma hian sorkarna siam thei tur rin kai zingah BJP chu a dinhmun a ṭha ber a ni. BJP leh Congress te hian sorkarna siam an inrin thu an sawi ve ve a, sorkarna siam thei tura rinkai pawh an ni. Assam state assemly election thawh khatna chu April 4 khan Assembly bial 65-ah neih a ni a, inthlan thawh hnihna chu April 11 khan Assembly bial 61-ah neih a ni leh bawk. Assam-ah hian Assembly seat 126 a awm a ni.