Gupta-an tharum thawhna pung ngaimawh

Tripura Chief Justice chhuak ta Deepak Gupta chuan an state-a tharum thawhna hluar zel chu a ngaimawh thu a sawi.

Justice Gupta chuan thuthar lakhawmtute nen an inkawmnaah hemi chungchang hi a sawichhuak a, tharum thawhna thleng hluar zel chu a ngaimawh tak zet tih a sawi. Court thubuai rei tak nghah ngai thin chu pawi a tih thu sawiin, a chingfel tur hian judge an tam tawk a ni a ti. He tih lai hian hmarchhak state te chu thubuai ziahluh chungchangah fimkhur tura a duh thu a sawi.

Tripura High Court chuan kum thum kalta chhung khan, thubuai 6,615 zet chu a tikhawtlai a, tun din hmunah hei hi nasa taka tla hniamin thubuai chinfel loh 2,804 chauh a awm tawh a ni.