Manipur-ah tui thianghlim harsa
Manipur sorkar chuan mipuite hnena tui thianghlim pekna turah harsatna a tawk mek a, sorkar chuan tui thianghlim leh hrisel zawk chu mipuite hnenah kum 2022-ah chuan hnianghnar zawka a pek theih tur thu a sawi.
Tui thianghlim harsatna avang hian mipuite chuan tui in tur 'mineral water' chu bazar hmun aṭanga an lei tawh thu an tarlang.
Public Health Engineering Department (PHED) chuan mipui te hnenah tui a pe ṭha tawk lo a, chhungkaw nawlpui chuan mimal tui pek chhuah an ring a, litre 1,000 chu Rs.200 zelin an lei ṭhin. Tui phurtute chuan sorkar tui pekna hmun chu a thianghlim loh avangin leh lei nawi a awm avangin an lak chhunzawm duh tawh lo a ni. PHED hian thlan bik te hnenah tui, zingtin man chawi lovin a pe ṭhin thung.
PHED chuan tui lama harsatna awm mek sutkianna turin cheng vaibelchhe 180.61 a ruahman a ni. Phase 1 atan Vaibelchhe 98.54 chu February 2014 khan pek chhuah a ni tawh a, Phase II leh Phase III atan sum ruahman leh mek a ni.