Meghalaya Police te inralring turin hriattir

Meghalaya police te chu helpawl, Hynniewtrep National Liberation Council (HNLC) ten State High Court leh Secretariat-te beih tuma hma a la nia hriat a nih avangin inralring tura hriattir an ni.

Tunhnaiah HNLC mi leh sa eng emaw zat chu Meghalaya-ah hian man an ni a, HNLC te hian phuba lak dan an ngaihtuah mek nia hriat a ni. Police ten HNLC mi leh sa an man te hi Nobleson Rynjah, Phrankor Rynjah leh Kyrseiboklang Lyngdoh te an ni a, ULFA-I hruaitute zinga mi Bikhat Ahom pawh an man tel a ni.

East Khasi Hills district police chief M. Kharkrang chuan HNLC aṭanga vauna an dawn loh thu sawiin, fimkhur thu hlaah venhimna khauh zawka kenpui erawh a ṭul thu a sawi. SP Vivek Syiem pawhin venhimna khauh zawka kenkawh a nih thu sawiin, sorkar building te chu a him tawk em tih enfiah reng a ni a ti ve bawk.