Kawngkaah Vivekananda thlalak tar a nih chuan

BJP hi kum 30-35 chhung an la sorkar ang : Tripura CM

Tripura chief minister Biplab Kumar Deb chuan an state chhungah chhung­kaw 80% aia tlem lo ten an kawngkaah Swami Viveka­nanda  thlalak leh a thuchahte an tar a nih chuan, BJP kaihhruai sorkar chu kum 30-35 an la sorkar chhunzawm thei dawn a ni, a ti. 

CM chuan Agartala-a BJP headquarters-a hun an hmannaah he thu hi sawiin,  BJP women wing, Mahila Morcha-te chu state chhunga in tinah Swami Vivekananda thlalak hi sem a, an kawngkaah an tar ngei em tih pawh enfiah zui turin a chah. 

Deb chuan, "Swami Vive­ka­nanda khan ṭawng tlem tur leh hna thawhna lamah rilru sawrbing zawk turin min ti a ni. Kan ṭawng tam lutuk chuan kan chakna te awmze nei loin a ral mai ṭhin," a ti. 

August thla tir lam kha Deb hian Covid-19 kaite hnenah Swami Vivekananda lehkhabute a lo sem tawh a, hei hi rilru chak leh hriselna an neih theihna atan a ti a ni.