Nagaland : Sorkarin dan loa pawisa khawn titawp turin hriattir

Nagaland sorkar chuan thuchhuah siamin, state chhunga dan loa pawisa khawn ṭhin chu tihtawp a nih theih nana hma la turin police leh thuneitu dangte a hriattir. Nagaland chhungah hian hetiang dan bawhchhiatna hi a hluar hle a, NGO, union leh mimal angte pawn dan loa pawisa khawn hi kalpui a ni.

Dan loa pawisa khawn hi sumdawnnna hmun bakah State Highway leh National Highway-ahte a thleng fo a, heng tihtawp a nih theih nan hian Home Commissioner, Vikeyie Kenya chuan thuchhuah siamin police leh thuneitu dangte chu theihtawp chhuah turin a ti.

Sorkar chuan dan loa pawisa khawn lui an awm a nih chuan Indian Penal Code (IPC) hmangin thubuai siamsak theih an ni tih tarlangin, dan bawhchhiate chu hrem zel turin police leh district thuneitute chu hriattir an ni bawk. Sorkar thuchhuah hi state chhungah dan kenkawh a nih theih nana hmalakna a nih bakah, mimal leh pawl anga pawisa khawn leh sum inhlan chhawn ṭhin chu dan bawhchhe loa kalpui a nih theih nana tih a ni tel bawk.