BJP an chak - kum 15 hnuah Assam-ah sorkar thar

Assam State assembly election result chu nimin khan puan a ni a, kum 15 chhung zet Congress party-in ro a rel hnuah Bharatiya Janata Party (BJP) chuan sorkar thar a siam ve dawn ta.

Assam Assembly election-ah hian seat 126 awmin heng zinga seat 78 chu BJP hian an la a, party malin sorkarna an siam thei. BJP party presidential candidate Sarbananda Sonowal chu chief minister a ni ang.

Tarun Gogoi chuan Sarbananda Sonowal leh BJP party chu lawmpuina leh duhsakna a hlan.

Prakash Javadekar chuan an chak chhanah hian Prime Minister Narendra Modi chuan nasa takin kawngro a su tih sawiin, lawmpuina a hlan ve bawk. PM Modi chuan twitter-ah Sarbananda Sonowal leh an party hnehna chu ropui a tih thu tarlangin duhsakna leh lawmpuina a hlan a ni.

BJP party general secretary Ram Madhav pawhin hnehna an chang chu ropui a tih thu sawiin, Sarbananda Sonowal kaihhruainain meeting an neih nghal thu a sawi. Prime Minister Modi leh BJP president Amit Shah bakah Assam BJP party general secretary Ram Madhav te chuan Congress party chu he result aṭang leh India rama politics inlumlet aṭangin zir tur tam tak an nei a ni, an ti.

Assam chief minister thar tur Sarbananda Sonowal bihchianna :

4 Sarbananda Sonowal hian kum 53-na a hmang mek.

4 Union Minister of State for Youth Affairs leh Sports ni lai a ni.

4 Political career hi All Assam Students Union (AASU) aṭangin bul a ṭan.

4 Sonowal hian kum 2001 khan AGP a zawm a, Moran bialah dingin MLA-ah thlan tlin nghal a ni.

4 2004 khan Dibrugarh constituency aṭangin AGP ticket-in MP-ah thlantlin a ni.

4 Kum 2011-ah BJP a zawm.

4 January 2016 khan BJP chief ministerial candidate atan puan a ni.