MHA-in VAB la dawng lo

Ministry of Home Affairs (MHA) chuan Khasi Hills Autonomous District Council (KHADC)-in a pass Meghalaya Village Adminis-tration Bill (VAB) a la dawng lo. Bill hi Meghalaya sorkar chuan Ministry of Home Affairs-ah endik turin a thawn tawh nia hriat a ni thung.

Hemi chungchangah hian Supreme Court lawyer Daniel Stone Lyngdoh Nonglait chuan RTI hmangin zawhna a zawt a, MHA-in a chhannaah chuan Bill an la dawng lo nia tarlan a ni. Hetih lai hian Thawh-lehni khan Law department official chuan Bill chu MHA-ah endik tura thawn a nih tawh thu sawiin, MHA chuan a dawng tawh ngei a, mahse Bill hi District Council Affairs (DCA) Department-ah a la tang a ni, a ti.