EVM strong room-a luh ruk chungchang Assam sorkarin a chhui

Assam sorkar chuan Nilaini khan Nalbari district-a EVM strong room-ah lut ru an awm nia sawi chungchang chu a chhui chiang dawn tih a puang. Chhui chian hna hi B Kalyan Chakravarthy, Assam Home department leh Political department-a principal secretary kaihhruaina hnuaiah neih a ni.

Asam sorkarin thuchhuah a siam hnu hian chhui chian hna hi thawh nghal a ni a, strong room Magistrate-in-charge, venghimtute leh political party mi leh sa strong room-a mi lut lai hmutu nia insawite chu thu zawhfiah an ni. He thil hi May 7-a inthlan thawh thumna neih zawh hnua thleng a ni.

Barpeta biala Congress aiawha ding, Deep Bayan chuan hemi chungchangah hian Election Commission hnenah complaint a thehlut tawh. A ni bakah hian Nalbari DC Varnali Deka pawhin Nalbari-a strong room-ah lut ru an awm tiin police hnenah complaint a thehlut ve bawk.