Conrad-an hnehna chang

Tura Lok Sabha by-election neihah Conrad K Sangma chuan a khingpui Dikkanchi a hneh.

Meghalaya-a Garo Hills mipuiten ‘King of Garos’ an tih mai Purno A Sangma fapa Conrad K Sangma hi an thlawp
ṭha hle. Conrad K Sangma hian vote nuai 1.92 zeta hnehna changin, Assmbly segment 24 zinga 23-ah National People’s Party (NPP) president hian hnehna a chang a ni. Conrad hian vote 3,29,497 zet a hmu a, a khingpui Dikkanchi chuan vote 1,37,285 a hmu ve bawk. Vote thlaktu zingah a khawi mah mah vote lo, NOTA hmet 16,597 zet an awm bawk.

Hnehna a chan zawh hnu hian Conrad chuan a pa thlan tlawh nghalin zahna a lan tir a ni. Conrad hian campaign an neih lai aṭang tawhin a pa suangtuah ṭhin te tihlawhtlingtu nih a tum thu sawiin, a pa hnungzui chu a tum ruh hle. A pa tih ṭhin angin Conrad chuan hneha a chan hnu hian victory parade a nei a, a nupui, a farnu leh a nu te chuan ṭawiawmin amah thlang tlingtu mipuite zahna a lan tir a ni. Hnehna chu a pa tan a,hlan tih sawiin, amah vote tute bakah Prime Minister Narendra Modi thlawpna avanga a lawmthu Conrad chuan a sawi bawk.

State Congress party president DD Lapang chuan Conrad chu duhsak-na a hlan ve bawk a ni.