OIL leh NR-in hmarchhak hmun hrang hrangah CBG siamna din tum

Oil India Limited (OIL) leh Numaligarh Refinery Limited (NRL) ṭangkawp chuan Assam chhunga district ṭhenkhat leh hmarchhak state hmun hrang hrangah Compressed Bio-Gas (CBG) plants din an tum. He hmalakna kaltlang hian bawlhhlawhte chu ṭangkai zawka hman tum niin, hmarchhak khawpuite'n bawlhhlawh tam avanga harsatna an tawh mek chu a tihziaawm theih beisei a ni.

OIL Chairman & Managing Director leh NRL Chairman ni bawk, Dr. Ranjit Rath chuan Pollution Control Board of Assam huaihawta Technical Symposium, Guwahati-a neihah thu sawiin, hmarchhak state ṭhenkhata CBG siamna hmun din an tum thu a sawi a, bawlhhlawh (solid waste) khawn khawm kawngah Municipal thuneitute nen thawhho a ngai dawn a ni, a ti bawk. Dr Rath chuan OIL-in Duliajan an enkawl kawnga hma an sawn dante, Tinsukia district chhunga hun rei tak bawlhhlawh dah tawh an sawngbawl dante a tarlang.

Bhaskar Jyoti Phukan, NRL Managing Director chuan industry leh Pollution Control Board of Assam-in thawhhona ṭha an mamawh thu sawiin, sumdawnna bulṭantute chu hlawkna chauh um lo a, environment tichhe lo zawnga sumdawnna kalpui turin a chah a ni.