Covid-19 test man ennawn turin Meghalaya sorkar ngen

Meghalaya Assembly commi­ttee chuan state sorkar hnenah Covid-19 test man a bithliah chu ennawn leh turin a ngen. 

Deputy chief minister Prestone Tynsong chuan kar liam ta khan October 16 aṭangin Covid-19 test man lak a ni tawh dawn tih sawiin, sorkar pawhin test man hi a bithliah fel thu a sawi. TrueNat, CBNAATA leh RT-PCR test manah Rs 3,200 lain, rapid antigent test man-ah Rs 500 lak a ni dawn a, mahse BPL category-a awmte chuan test man an chawi a ngai lo thung ang.

Meghalaya Assembly Commi­ttee on Women Empowerment chairperson Amparen Lyngdoh chuan Health department official-te hnenah test man bithliah hi a san avangin ennawn a, tihniam turin a ngen. Committee chuan  meeting-ah Meghalaya Health Insurance Scheme (MHIS) kalpui dan tur pawh a ngaihtuah nghal bawk. 

Lyngdoh chuan Food, Civil Supplies and Consumer Affairs Department official-te hnen­ah ration card dilna 57,000 tihkhawtlai la awm mek chu tifel thuai tura ngen an ni, a ti.