Manipur-a khaw 11-in National Highway siamna tur ram pe

Manipur-a Tamenglong district huam chhunga thingtlang khaw 11 chuan sorkarin Tamenglong-Haflong National Highway a siamna tur atan an khaw ram an pe. 

Minister of forest, envi­ronment & climate change and sericulture Awangbow Newmai chuan khaw 11 aiawhte hian sorkar hnenah zangnadawmna engmah phut loin kawngpui siamna atan an ram an pek thu hi ziakin an thehlut tih a sawi. Khaw hotute chuan an state in hma a sawnna tura an theih anga lo puih ve an duh thu an sawi a ni. 

Minister chuan Tameng­long-Haflong National Highway siam hna chu kum­in kumtawp lamah thawh ṭan a ni dawn tih a sawi. 

He kawngpui siamna turin a paltlang tur, Assam-a thingtlang khaw 14-te pawhin kawngpui siamna atan an khaw ram chu zangnadawmna phut loa pek an remtih thu an sawi bawk.