Arunachal-ah BJP sorkar a ding thuai dawn : Tapir Gao

BJP Arunachal Pradesh, president Tapir Gao chuan an state-ah BJP sorkar a ding thuai dawn tih a sawi.

Arunachal Pradesh-ah hian President's Rule puan a nih hnuah Nabam Tuki -a kaihhruai Congress sorkar chu paih thlak a ni a, Congress party MLA hel Kalikho Pul leh a thurualpui te chuan People’s Party of Arunachal sorkar thar siamin, Pul hi chief minister atan lakluh nghal a ni.

People’s Party of Arunachal sorkar chu dinhmun him lo takah a awm mek niin Tapir Gao-a thusawi aṭang hian a ngaih theih a, mahse tunhnai maiah chuan BJP hian sorkarna a siam mai a rinawm loh thung. Tapir Gao hian kar kalta Zirtawpni khan an party office hawnna Boleng-ah hmanpuiin, BJP hmasawnna hrang hrang a tarlan bakah an state-ah ngei pawh an party chuan sorkarna an siam thuai dawn niin a sawi bawk. Gao chuan party mi leh sa te hmaah hian an party hmalakna te a tarlang a, a hun takah BJP chuan sorkarna a siam dawn a ni, a ti. Arunachal Pradesh-ah hian tuna term kal lai mek hi kum 2019-ah a tawp dawn chauh a a ni.