Assam CM leh Education minister lim hal

Assam associate official language-a Manipuri telh tura phuta nawrh huaihawtin, Assam-a Manipuri pawl hrang hrangte chuan chief minister Sarbananda Sonowal leh education minister Himanta Biswa Sarma lim an hal. 

Minister Himanta Biswa Sarma chuan kar liam ta Thawhlehni khan Bodo ṭawng chu associate official languange-ah state cabinet-in a pawm thu a puang a, hei bakah hian Bodo hnam tan 6th schedule area pawn lamah Bodo Kachari Autonomous Welfare Council dinna tur pawh pawm a nih thu a sawi.

Chief Minister chuan Barak Valley aṭanga civil service exam tum, Assamese, Bengali leh Bodo ṭawng zir lote chu Assam Public Service Commission (APSC) CEE examination-a qualifying language paper bikah ngaihnathiam an nih tur thu a sawi bawk. 

Manipuri Youths Front Assam (MYFA) kaihhruai Assam-a Manipur pawl hrang hrang chuan sorkar thutlukna hi na takin an sawisel a, Manipuri chu associate official language-a telh ve ngei an phut thu an sawi. Assamese, Bodo, leh Bengali-te nen ang khata dah turin sorkar an phut tih an sawi a ni.