Sikkim HC-in a hnuaia thawk hmeichhiate thi neih laia chawlh phalsak

Sikkim High Court chuan court Registry hnuaia thawk, hmeichhiate chuan thla khatah ni hnih aṭanga ni thum chhung thi neih chawlh an nei thei tih a puang.

Sikkim HC thuchhuak chuan High Court Registry hnuaia thawk hmeichhiate chuan thla khatah ni 2-3 chhung thi neih chawlh an nei thei tih tarlangin, chawlh la tur erawh chuan medical officer hriatpuina neih a ngai a, chumi hnuah Court-in a chawlh chu a phalsak a ngai tih an tarlang tel bawk.

Thi neih avanga chawlh pek hi thawktute chawlh neih pangngai anga chhiarsak ni loin, an chawlh neih pangngai tih tlemsak phah nana hman loh tur a ni tih a tarlang tel bawk. He hmalakna hi hmeichhe hnathawkte hriselna ngaih pawimawh kawnga ke penna pawimawh tak a nih bakah, thi an neih laia hmeichhiate tana harsatna siam lo zawnga hmalakna a ni.