Meghalaya leh Nagaland-ah CUET awm dawn lo

Union education ministry chuan thuchhuah siamin Meghalaya leh Nagaland tan 2024-25 academic session-ah Common University Entrance Test (CUET) a awm dawn lo tih a puang.

University Grant Commission (UGC) chuan National Testing Agency (NTA) kaltlanga heng state pahnih aṭanga CUET nei lo tura dilna lut a ngaihtuah hnuah Meghalaya leh Nagaland chhunga central university, North Eastern Hill University (Meghalaya) leh Nagaland University-a admission tih tum zirlaite chu CUET paltlang kher ngai loin admission an lo kalpui dan ṭhin pangngai anga kalpui turin a phalsak a ni. CUET nei lo tura thu chhuah loh hi kum 2024-25 session atan chauh a ni thung ang.

Meghalaya chief minister, Conrad Sangma chuan NEHU-a luh tum zirlaite tan CUET neih a nih dawn tak loh avangin union education minister Dharmendra Pradhan hnenah lawmthu a sawi.