Assam-in Northeast-a AI robot zirtirtu hmasa ber enchhin

Hmarchhak biala a hmasa ber atan Assam chuan zirtirtu, Artificial Intelligence (AI)-a thuam robot, a hming Iris tih chu nimin khan Guwahati-ah a hmang ṭan. Iris hian Assam hnam thuam , 'Mekhela Chador' inbelin, nimin khan Guwahati-a zirlai naupangte hun a hmanpui a ni.

Iris hi NITI Aayog hmalakna kaltlanga, Atal Tinkering Lab (ATL) hnuaia Makerlabs Edu-Tech-in nena thawk hoa siam a ni a, Guwahati-a enchhinna neih a nihna sikulah hian zirlai naupangte chuan an chikin an lawm hle tih sikul thupuangtu chuan a sawi. Iris hi mihring ang thei ang ber tura duan a ni a, inchibai pawh a thiam a ni. Ṭawngkaa thupek theihna leh ṭawng ngaihthlak theihna a neih avangin zirlai naupangte zawhna pawh ṭha takin a chhang thei vek a ni.

Sikul zirtirtute chuan AI thiamna hmanga Iris siam a ni chu zirna in bakah, ni tin nunphung atan hmasawnna nasa tak a nih thu sawiin, naupangin zirlai a zir dana awlsam leh phurna a pek dawn bakah, zirlai naupang hrang hrang mamawhna ang zel a pek theih an beisei thu an sawi tel bawk.