Nagaland : Vaihlo awm lohna khuaah New Sendenyu khua puan a ni

National Tobacco Control Programme hnuaia Nagaland State Tobacco Control Cell chuan nimin khan Nagaland-a New Sendenyu Village, Tseminyu-ah World No Tobacco Day hmangin, he khua hi vaihlo leh a kaihhnawih awm lohna khuaah puan nghal a ni.

World No Tobacco day hmanpuitu, Dr. Meribeni Odyou chuan kumin thupui, vaihlo siamtute lak aṭanga naupangte venhim tih hmangin thu a sawi a, vaihlo leh a kaihhnawih siamtute'n thiam taka naupangte rilru hneh an tum dante a tarlang bawk. Dr. Meribeni chuan vaihlo laka naupangte venghim tura puitlingte mawhphurna lenzia sawiin, New Sendenyu khua chu vaihlo leh a kaihhnawih awm lohna khuaah puangin, sikul pahnih chu vaihloin a tihbuai loh sikulah a puang tel bawk.