Nagaland : SEC-in ENPO hnenah hriattirna pe

Nagaland State Election Commission (SEC) chuan Eastern Nagaland People’s Organisation (ENPO) president, Tsapikyu Sangtam hnenah IPC section 171C, sub-section (1)-a tarlan a nih anga hma a lak loh tur chhan sawi fiah turin a hriattir.

State Election Commissioner, TJ Longkumer chuan ENPO chu langsar leh ualau taka Urban Local Body (ULB) inthlan lo awm tura vote thlak lo tura mipui hruai kawi zawnga thu a sawi leh, an pawlin inthlan an dodal chu dan bawhchhiatna lian tak a nih thu a tarlang a ni. SEC chuan ENPO hmalak dan chu miin a chanvo leh dikna tilang tura a theihna rah behna a ni tiin, SEC thuneihna dodal leh kalh zawnga chetna a nih thu a tarlang bawk. Hei vang hian SEC chuan, ENPO-in June 26-a ULB inthlan buatsaih tura langsar taka a dodalna hi dan bawhchhiatna a ni tiin, ENPO chu dan anga hrem an nih lohna chhan tur sawi fiah turin hriattirna a pe a ni.

ENPO hi Nagaland chhak lam district parukah inzar pharhin, Lok Sabha inthlan neih zawh tak pawh kha Frontier Nagaland Territory tana ram hran phût avangin an lo boycott tawh a ni. Hetih lai mek hian ENPO president, Longkumer chuan thuchhuah siamin, ENPO chu ULB inthlan an dodalnaah an la din ngheh tur a sawi.