Tripura-a Bangladesh ramriah BSF sipaiin beih a tawk

Border Security Force (BSF) constable pakhat, Tripura-a Kalamchera a duty chu Bangladesh aṭanga rawn lut mi eng emaw zatin Pathianni khan an bei.

BSF chuan an sipai hi Gate NO 196 a duty niin Bangladesh aṭanga mi tam tak an rawn chhoh lai hian ramri hungna bulah venhim hna a thawk tih an tarlang. Bangladesh aṭanga rawn kalte hi chini tawlh ruk tum an ni tih tarlan a ni bawk.

BSF sipai hi nawmnah taka chhaihin BSF constable, Bhole hian pung khawmte hnawh darh leh chini tawlh ruk dan a tumna lamah ramri hungna lamah pheiin Bangladesh aṭanga rawn kalte hian lo din hualin an bei ta nia tarlan a ni. Bhole hian beih a tawh mai bakah a silai hmanlai leh radio chu laksak a ni a, beih a tawh hnu hian tlanchhe hman mah se mau leh rod - an vuakna avangin hliam a tuar a ni. BSF sipaiin beih a tawh hnu hian ramria Bangladesh sipai leh BSF chuan commander level flag meeting nei nghalin, hetah hian silai leh radio laksak pawh pek kir leh a ni.