India, Myanmar, Thailand inkalpawhna kawng siam

India, Thailand leh Myanmar te chuan inkalpawhna kawngpui km 1,400 zeta thui an sial mek a, hmarchhak chu kawngpui hian a paltlang dawn a ni. Ram pathum te chuan insumdawn tawnna kawngah leh kawng hrang hranga inzawmna ṭha zawk leh hmasawnna kalpui zel a nih theihna tura an ruahhman a ni.

Thailand rama India Ambassador Bhagwant Singh Bishnoi chuan he kawngpui siam mekah hian lei 73 zet chu Myanmar ram chhungah dawh a, Indopui II-na hun laia kawngpui eng emaw zat chu chei ṭhat a ni bawk dawn niin a sawi. Kawngpui cheiṭhat hna hi thla 18 chhunga zawh hman tura ruahman a ni. He kawngpui hi India aṭang chuan Manipur-a Chandel district Moreh aṭangin Myanmar-a Tamu city pawh tura sial a ni ang.

Tri-nation motor vehicle agreement hmang hian kawngpui km 1,400-a thui siam a ni ang a, heng khawpui pathumte hi a thlunzawm dawn a ni. Bhagwant Singh Bishnoi chuan, he mi chung-chang ngaihtuah hian
ṭhutkhawm a ni tawh a, hei hi pui tlin a nih hunah chuan kawng tam taka
ṭangkaina a nei dawn a ni a ti a, nasa takin hmar-chhak tan hamṭhatna a thlen beisei a ni, a ti bawk. Tri-nation highway siam tura hmalakna chu India sorkarin a kalpui mek ‘Act East’ policy peng pakhat a nih thu a sawi bawk.