Sorkar hna lakah interview tihtawp tum

Hmarchhak state pahnih - Manipur leh Sikkim te chuan sorkar laipui rawtna angin state sorkar hna laka interview neih ṭhin chu tihtawp tumin hma an la mek. A bikin sorkar hna sang nilo lakah sorkar laipui chuan interview neih ṭhin chu titawp turin hma a la mek a, state 18 leh Union Territory-ah te chuan hei hi hman a ni tawh nghe nghe. Union Personnel Ministry chuan thuchhuah siamin sorkar hna laknaa junior-level leh a hnuai lama interview neih ṭhin chu titawp turin a lo ti tawh a ni.

Prime Minister Narendra Modi chuan nikuma Independence Day hman a nih
ṭuma a thusawinaah khan he mi chungchang hi a lo sawi tawh a, group III leh IV hna lak reng rengah interview chu tihtawp a nih tur thu sawiin, ṭangkaina nei lo niin a sawi. Interview neih chu a felhlel zawk tih sawiin, sorkar hna lak reng reng chu langtlang taka kalpui a ngai a ni, a ti. He hi state hrang hrangah hman a ni tawh a, Manipur leh Sikkim te hi hmarchhak state zinga a hmang hmasa ber tur an ni ang.